Qazaqstan densaýlyq saqtaý salasyna JІÓ-niń 5 paıyzyn jumsaıtyn bolady
«Densaýlyq» baǵdarlamasy júzege asyrylǵan jyldardyń ishinde ómir súrý uzaqtyǵy 73 jylǵa jetip, jalpy ólim-jitim 4, sábı ólimi 11, ana ólimi 19 paıyzǵa tómendedi. Osylaısha, onyń nátıjesi aıqyn ári oń ekendigi kórinip tur. Osy rette qol jetkizilgen jetistikpen toqtap qalmaı, salanyń oń dınamıkasyn qoldaı berý qajet», - dedi ol.
Onyń atap ótýinshe, Memleket basshysynyń tapsyrmasymen ázirlengen 2025 jylǵa deıingi densaýlyq saqtaýdy damytýdyń jańa baǵdarlamasy saladaǵy oń dınamıkany qoldaýǵa baǵyttalǵan.
«Densaýlyq saqtaý salasynyń turaqty damýynyń negizgi faktorlarynyń biri - laıyqty qarjylandyrý. Osyǵan oraı mindetti áleýmettik medıtsınalyq saqtandyrýdyń jańa júıesiniń engizilýine baılanysty dárigerler de, qarapaıym azamattar da zor úmitpen otyr. Bul júıeni sapaly engizý densaýlyq saqtaýǵa jalpy ishki ónimniń 5 paıyz jumsaýǵa múmkindik beredi. Bul Elbas aldymyzǵa qoıǵan mindetterdiń biri», - dedi Tımýr Súleımenov.
Sonymen qatar ol MÁMS halyqtyń da, dárigerlerdiń de úmitin aqtaý tıistigin basa aıtty.
«Kez kelgen salanyń, ásirese medıtsına syndy joǵary mamandandyrylǵan, sezimtal salanyń negizgi qundylyǵy adamı kapıtal sanalady. Sondyqtan qoǵamdaǵy medıtsına qyzmetkerleriniń mártebesin arttyrý, bilikti medıtsına kadrlarynyń tapshylyǵy máselesin sheshý boıynsha laıyqty sharalar qajet. Osyǵan oraı 2019 jyly barlyq medıtsına qyzmetkerleriniń jalaqylary 30 paıyzǵa deıin artty. Úkimet osy maqsatqa 42 mlrd teńge bóldi. Bul jumys jalǵasyp ta jatyr. Memleket bashsysy jalaqyny 2,5 esege, medbıkelerdiń jalaqysyn 1,5 esege odan ary ulǵaıtýǵa qoldaý kórsetti. Tolyqtaı alǵanda, medıtsına qyzmetkerlerin áleýmettik qoldaý jaqsaryp keledi», - dedi QR Prezıdenti Ákimshiligi basshysynyń orynbasary.