Qazaqstan delegatsııasy BUU Bas Assambleıasy 81-sessııasynyń ashylýyna qatysyp jatyr
ASTANA. KAZINFORM - QR Syrtqy ister mınıstri Muhtar Tileýberdi bastaǵan Qazaqstan delegatsııasy Birikken Ulttar Uıymy Bas Assambleıasynyń 81-sessııasynyń Joǵary deńgeıdegi aptalyǵyna qatys. Bıylǵy syp jatyr.
Sessııanyń taqyryby - «Senimdi qalpyna keltirý, ózgeristerdi basqarý: barsha úshin áreket etetin BUU». Kún tártibindegi negizgi máseleler qatarynda beıbitshilik pen qaýipsizdikti saqtaý, ornyqty damý maqsattaryna qol jetkizýdi jedeldetý, klımattyń ózgerýine qarsy is-qımyl jáne qorshaǵan ortany qorǵaý, adam quqyqtary, tsıfrlyq tehnologııalar men jasandy ıntellekt bar.
QR delegatsııasynyń basshysy BUU Bas Assambleıasynyń jalpy saıası pikirtalasy aıasynda sóz sóılep, halyqaralyq kún tártibindegi ózekti máselelerdi sheshýge qatysty Qazaqstannyń ustanymy men kópjaqty yntymaqtastyqty nyǵaıtý jónindegi kózqarasyn tanystyrady. Jahandyq ózgerister jaǵdaıyndaǵy jasampaz damý taqyrybyna, onyń ishinde Qazaqstannyń ekologııalyq jaýapkershilik mádenıetin qalyptastyrý, volonterlikti ilgeriletý, zań ústemdigi men yntymaqtastyqty, sondaı-aq qoǵamdyq birlikti nyǵaıtý tájirıbesine erekshe nazar aýdarylady. Syrtqy ister mınıstrligi málimetinshe, joǵary deńgeıdegi aptalyq aıasynda BUU basshylyǵymen jáne agenttikteriniń jetekshilerimen, EQYU, Halyqaralyq Qyzyl Krest komıtetiniń basshylyǵymen jáne t.b. kezdesýler ótedi. Baǵdarlamada sondaı-aq Armenııa, Ázerbaıjan, Majarstan, Iordanııa, Kanada, Kıpr, Kýveıt, Moldova, Polsha, Reseı, Slovenııa, Ýkraına, Shveıtsarııa, El-Salvador jáne basqa da elderdiń syrtqy ister mınıstrlerimen birqatar ekijaqty kezdesýler josparlanǵan.
Delegatsııa sondaı-aq Islam yntymaqtastyǵy uıymyna (IYU), Ujymdyq qaýipsizdik týraly shart uıymyna (UQShU) jáne Túrki memleketteri uıymyna (TMU) múshe memleketterdiń, teńizge shyǵa almaıtyn damýshy memleketterdiń mınıstrlik kezdesýlerine, BUU Órkenıetter alıansynyń Dostar tobynyń otyrysyna, sondaı-aq tranzıttik-kóliktik yntymaqtastyq pen ınvestıtsııalar, ekologııa jáne tsıfrlandyrý máselelerine arnalǵan taqyryptyq qosalqy is-sharalarǵa qatysady.
BUU BA-nyń jańa sessııasy barysynda Qazaqstan beıbitshilik pen qaýipsizdik, ornyqty damý, ıadrolyq qarýsyzdaný jáne taratpaý, sý jáne ekologııalyq kún tártibi, adam quqyqtary, jasandy ıntellekt jáne tsıfrlyq yntymaqtastyq salalaryndaǵy, sondaı-aq jahandyq uıym qyzmetiniń tıimdiligin arttyrýǵa baǵyttalǵan basymdyqtaryn ilgeriletýdi jalǵastyrady.
BUU aıasyndaǵy Qazaqstannyń basym bastamalarynyń qatarynda Sý jónindegi halyqaralyq uıym men Bıologııalyq qaýipsizdik jónindegi halyqaralyq agenttikti qurý máseleleri bar ekenin atap ótken jón.
Qazaqstan BUU-nyń 1947 jylǵy mamandandyrylǵan mekemelerdiń artyqshylyqtary men ımmýnıtetteri týraly konventsııaǵa qosylǵanyn jazǵan edik.
