22:11, 02 Qyrkúıek 2021 | GMT +6
Qazaqstan delegatsııasy Túrki keńesi jas kóshbasshylarynyń úshinshi forýmyna qatysty
NUR-SULTAN. QazAqparat - 30 tamyz ben 2 qyrkúıek aralyǵynda Qyrǵyz Respýblıkasynyń Osh qalasynda Túrki keńesi jas kóshbasshylarynyń úshinshi forýmy ótti, dep habarlaıdy QazAqparat.
Forým jumysyna Túrki keńesi hatshylyǵynyń, Qyrǵyz Respýblıkasy Mınıstrler Kabınetiniń basshylyǵy, Qazaqstan, Qyrǵyzstan, Ózbekstan, Túrkııa, Ázirbaıjan elderiniń delegatsııalary qatysty.
Qazaqstandyq delegatsııanyń atynan QR AQDM jastar jáne otbasy isteri komıtetiniń jastar saıasatyn úılestirý basqarmasynyń basshysy Talant Ońǵarov, Qazaqstan halqy Assambleıasy janyndaǵy «Jarasym» RQB tóraǵasy Tımýr Jumyrbaev, «Ulan-Ǵaıyr dala eli» RQB basshysy Valıhan Bahretdınov qatysty.
Forým qorytyndysy boıynsha Túrki keńesi elderi arasyndaǵy jastar saıasaty jáne Jastar bastamalaryn qoldaý salasyndaǵy odan ári yntymaqtastyq pen birlesken ózara is-qımyl týraly qarar qabyldandy.
