Qazaqstan delegatsııasy EQQDB-niń ınvestıtsııalyq forýmyna qatysty (FOTO)
ASTANA. QazAqparat - Ystambul qalasynda Orta Azııa ınvesıtıtsııalyq forýmy, sonymen qatar Eýropa qaıta qurý jáne damý banki (EQQDB) basqarýshylaryna arnalǵan dóńgelek ústel ótti.
Іs-sharaǵa Eýropa qaıta qurý jáne damý bankiniń basqarýshylary, Ortalyq Azııa elderiniń (Qazaqstan, Qyrǵyzstan, Mońǵolııa, Tájikstan, Túrkimenstan, Ózbekstan) jáne Túrkııanyń ınvestıtsııalyq isteri boıynsha jaýapty mınıstrleri, sondaı-aq EO, Qytaı jáne Parsy shyǵanaǵy elderinen ınvestorlar shaqyrylǵan.
Forýmnyń maqsaty Ortalyq Azııa aımaǵyna ınvestorlardyń nazaryn aýdara otyryp, aımaqtyń ınvestıtsııalyq múmkindikterin kórsetý jáne ınvestıtsııalyq ahýaldy jaqsartý jónindegi sharalardy talqylaý.
Qazaqstan atynan forýmǵa QR Qarjy mınıstri Baqyt Sultanov, Qazaqstannyń Túrkııadaǵy Elshisi Janseıit Túımebaev, QR Investıtsııalar jáne damý vıtse-mınıstri Rahym Oshaqbaev, QR Aýyl sharýashylyǵy vıtse-mınıstri Gúlmıra Isaeva qatysty.
QR-dyń Túrkııadaǵy Elshiliginiń baspasóz qyzmetinen habarlaǵandaı, forým aıasynda jeke sektormen ekonomıkanyń turaqtylyǵy, bıznes ortany damytý arqyly serpindi jeke sektordy qurý jáne jańa syrtqy qaterler týraly máseler talqylandy.
Kelesi máseleler de qarastyryldy:
- dınamıkalyq jeke sektorǵa baǵyttalǵan qurylymdyq reformalar arqyly Ortalyq Azııa elderi syrtqy qaterlerge qarsy turaqtylyqty qamtamyz etý úshin ne isteý kerek;
- Orta merzimdi perspektıvada Ortalyq Azııa elderi qandaı artyqshylyqtardy qoldana alady;
- jeke sektordyń róli qandaı;
- Ortalyq Azııada jeke sektordy serpindi damýynda Eýropa qaıta qurý jáne damý bankiniń róli.
Іs-shara aıasynda sektsııalyq kelissózder de ótkizilgen:
- Eýropa qaıta qurý jáne damý bankiniń prezıdenti Sým Chakrabartıniń tóraǵalyǵynda Ortalyq Azııa memleketteri, Túrkııa jáne Eýropa qaıta qurý jáne damý banki ókilderimen jabyq Otyrys;
- «Financial Times Live», Trkııanyń palatalar jáne bırjalar qaýymdastyǵy (TOBB), halyqaralyq ınvestorlar, laýazymdy tulǵalar jáne sarapshylardyń qatysýymen ınvestıtsııalyq konferentsııa.
B.Sultanov áleýetti shetel ınvestorlaryn Qazaqstandaǵy ınvestıtsııalyq ortany jetildirý jóninde jasalyp jatqan reformalardan habardar ete otyryp, ınvestıtsııalyq jobalarǵa belsendirek qatysýǵa shaqyrdy, jáne bul baǵytta jan-jaqty memlekettik járdem kórsetýge ázirligin bildirdi.
«Biz tolyqqandy ınvestıtsııalyq kómek bildirýge daıynbyz. Búgingi forým Qazaqstanmen ınvestıtsııalyq seriktestikti nyǵaıtýǵa naqty qadam bolatynyna senimdimin», - dedi QR Qarjy mınıstri.
Forým aıasynda B.Sultanovtyń TR Premer-Mınıstriniń orynbasary M.Shimshekpen jáne EQQDB Prezıdenti S.Chakrabartımen ekijaqty kezdesýleri de boldy.
