Qazaqstan delegatsııasy Dúnıejúzilik keden uıymynyń táýekelderdi basqarý máselesi boıynsha ótken forýmyna qatysty
BRıÝSSELЬ. Shildeniń 2-si. QazAqparat /Dımash Syzdyqov/- QR Qarjy mınıstrligi Kedendik baqylaý komıtetiniń ókilderi aǵymdaǵy jyly maýsymnyń 28-30-y aralyǵynda Brıýsseldegi Dúnıejúzilik keden uıymynyń shtab-páterinde táýekelderdi basqarý máseleleri boıynsha ótken forýmǵa qatysty.
Forým aıasynda Qazaqstan keden qyzmetiniń ókilderi bul halyqaralyq qurylymnyń QR-daǵy keden organdarynyń táýekelderdi basqarý júıesiniń damýy úshin ózara is-qımyl men qural-saımandardy qoldaný máseleleri boıynsha Dúnıejúzilik keden uıymynyń sarapshy mamandarymen jumys kezdesýlerin ótkizdi.
Bolyp ótken is-sharanyń qorytyndysy boıynsha QR Qarjy mınıstrligi Kedendik baqylaý komıtetiniń qaýip-qater menedjmenti boıynsha basshylyqtyń daıyndaǵan jańa úlgisine qatysýǵa, sondaı-aq qaýip-qater ındıkatory, tártip buzýshylar men jeke tulǵalar boıynsha Dúnıejúzilik keden uıymynyń aqparattar bazasyna ruqsat alatyndyǵy týraly kelisimge qol jetkizildi.
