Qazaqstan delegatsııasy BUU Órkenıetter alıansynyń 5-shi forýmyna qatysýda
Bul týraly Senattyń baspasóz qyzmetinen habarlandy.
Jahandyq forým Órkenıetter alıansynyń aıasyndaǵy iri shara bolyp tabylady. Bul forýmnyń basty taqyryby - «Alýandyq pen únqatysýdaǵy jaýapty basqarýdy qoldaý» dep atalady.
5-shi forým jumysyna BUU Bas hatshysy Pan Gı Mýn, BUU Bas Assambleıasynyń Prezıdenti Výk Ieremıch, Avstrııa Prezıdenti Haınts Fısher, Túrkııanyń Premer-mınıstri Redjep Taıp Erdoǵan, Katar Ámiri Sheıh Hamad bın Halıfa Ál-Tanı, Órkenıetter alıansynyń qazirgi jáne jańadan taǵaıyndalǵan joǵary ókilderi Jorje Sampaıo men Nasır Ábdýlázız Ál-Naser, sondaı-aq dúnıe júziniń bedeldi ókilderi qatysty.
Forýmnyń negizgi sharalarynan basqa Qazaqstan delegatsııasynyń basshysy ekijaqty kezdesýler ótkizedi. Q.Mámı sondaı-aq Saýd Arabııasynyń Koroli Abdalla ben Ábdel Ázız atyndaǵy Vena halyqaralyq dinaralyq jáne mádenıetaralyq únqatysý ortalyǵynda bolyp, osy uıymnyń Bas hatshysy Feısal ben Abdýlrahman ben Mýammarmen kezdesti. Senat Tóraǵasy áńgime barysynda Ortalyqtyń ashylýymen quttyqtap, Álemdik jáne dástúrli dinder lıderleri seziniń qyzmeti týraly baıandady. Kezdesýde Sezd Hatshylyǵy men Korol Abdalla atyndaǵy Ortalyq arasyndaǵy yntymaqtastyqtyń keleshegi talqylandy.
Órkenıetter alıansynyń sektsııalyq sharalaryna qazaqstandyq delegatsııanyń músheleri - senator Ádil Ahmetov jáne Din isteri jónindegi agenttiktiń tóraǵasy Qaırat Lama Shárip qatysýda.
«Órkenıetter alıansyn» qurý týraly bastamany 2004 jyly Ispanııa men Túrkııa kóterip, BUU Bas hatshysy tarapynan qoldaý tapqan bolatyn. Bastama maqsaty Batys pen musylman áleminiń arasyndaǵy arazdyqtyń órshı túsýiniń aldyn alý úshin halyqaralyq qoǵamdastyqtyń kúsh-jigerin biriktirý, dinı nanym-senimder men órkenıetter arasyndaǵy qaıshylyqtardy eńserý, ol úshin úkimetterdiń jahandyq turǵyda tıisti shara qabyldaýyna qoldaý bildirý bolyp tabylady.
