Qazaqstan DEF reıtinginde uıaly baılanys abonentteriniń sany boıynsha 4-orynǵa ıe boldy
ASTANA. QazAqparat - Dúnıejúzilik ekonomıkalyq forým jarııalaǵan, álemniń 144 eli sheginde jasalǵan taldaýdy qamtıtyn 2013 jyl qorytyndylary boıynsha Jahandyq básekege qabilettilik esebine sáıkes Qazaqstan birqatar kórsetkishter boıynsha óz ustanymyn jaqsartty jáne básekege qabiletti álem elderiniń tiziminde 50-orynǵa ıe bolyp otyr.
Al, uıaly baılanys abonetteriniń sany boıynsha elimiz ótken jyldyń kórsetkishterin 6 tarmaqqa jaqsarta otyryp, 4-oryndy enshiledi. Tirkelgen telefon jelileriniń sany boıynsha Qazaqstan 45-orynnan 43-orynǵa, ınternet jelisine tirkelgen keńjolaqty qoljetimdiligi bar abonentteriniń sany boıynsha 63-orynnan 58-orynǵa, al ınternet jelisine tirkelgen keńjolaqty qoljetimdiligi bar uıaly baılanys abonentteriniń sany boıynsha 34 orynǵa kóterildi, sóıtip reıtingide 3-tarmaqqa kóterildi.
Budan basqa, Qazaqstan tıisinshe 61 jáne 54 oryndy ıelene otyryp, paıdalanýshylar sany men ınternet jelisiniń ótkizý qabilettiligi boıynsha óz ustanymyn saqtap qaldy, dep habarlady QR IDM baspasóz qyzmetinen.
