«Qazaqstan daýysynyń» jeńimpazy jaqynda baspanaly bolýy múmkin
ASTANA. QazAqparat - «Qazaqstan daýysy» jobasynyń ekinshi maýsym jeńimpazy Baýyrjan Retbaev «Qazaqstan» telearnasyndaǵy «Áıel baqyty» baǵdarlamasynda jeńip alǵan 5 mln.teńgeni shyǵarmashylyq jumystarǵa jumsaıtynyn aıtqan. Alaıda, jaqynda ol bul oıynan aınyp qalǵanyn bildirdi.
baistars.kz saıtynyń jazýynsha, ánshi bul aqshaǵa baspana satyp alǵysy keletinin aıtqan. «Osyǵan deıin shyǵarmashylyǵyma jumsaımyn ba dep oılap edim. Biraq qazir oılanyp júrmin. Ústine qarajat qosyp úı alǵym da keledi. Almaty nemese Astana qalasynan. Ony aldaǵy ýaqytta kórermiz», - dedi jas ánshi Baýyrjan Retbaev.
