«Qazaqstan daýysy» jobasynyń fınaldyq kórsetilimi 20 jeltoqsanda ulttyq telearnanyń tikeleı efırinde ótedi

Bul týraly «Qazaqstan» RTRK baspasóz qyzmeti habarlady.

Almatynyń eń tanymal degen saýda ortalyqtarynyń birinde elimizdiń basty vokaldy shoýy «Qazaqstan daýsy» jobasyna qatysýshylardyń kontserti ótti. Atalmysh shara «Qazaqstan daýysy» jobasynyń 3-shi maýsymynyń fınaldyq týrynyń aldynda ótti. Bul joba aıasynda 3 jyldan beri Qazaqstannyń eń daryndy degen vokalısteri anyqtalyp keledi. ıAǵnı, jobany bolashaq qazaqstandyq juldyzdardyń fabrıkasy dep aıtýǵa tolyq negiz bar. Osy kúni kontsertke qatysýshylardyń ónerlerin tamashalaý úshin jınalǵan halyq sanynda shek bolmady. Kontsertpen qatar, ony uıymdastyrýshylar saýda ortalyǵyna kelgen qonaqtar úshin qyzyqty vıktorına uıymdastyrdy.

Kontsertte sonymen qatar, ótken eki maýsymnyń qatysýshylary da óner kórsetti.

«Men «Qazaqstan daýysy» jobasynyń fınaldyq kezeńiniń qatysýshysymyn. Bul jobaǵa razymyn. Óıtkeni, osy joba arqyly men ózimniń oıymda júrgen úlken maqsattarymnyń birine qol jetkizdim. Bul óner men shyǵarmashylyqtyń ǵajaıyp álemine jol ashatyn úlken múmkindik», - dedi jobanyń birinshi maýsymynyń fınaldyq kezeńiniń qatysýshysy Aınara Aıtqalıeva.

«Men 3-shi maýsymnyń qatysýshylaryna budan keıingi kezeńderde de sátti óner kórsetýlerine tilektespin. Men árbir maýsymda óner kórsetýshilerdiń arasynda óte myqty ári daryndy balalar bar dep esepteımin. Bul jolǵysy da solaı bolady degen oıdamyn», - dedi basty vokaldyq jobanyń ekinshi kezeńiniń qatysýshysy Maqsat Maqulbekov.

Osy sharaǵa kelgen qonaqtardyń barlyǵy da jobaǵa qatysýshylarmen estelik sýretke túsýge múmkindik aldy. Endi jobanyń jeńimpazdary kimder bolady degen másele eldi eleńdetip turǵany belgili. Aıta keteıik, «Qazaqstan daýysy» jobasynyń birinshi jáne ekinshi kezeńiniń fınaldarynda Almas Kishkenbaev pen Nurlan Albannyń komandalary jeńimpaz atanǵan bolatyn.

Kórermender endi úshinshi maýsymnyń fınaldyq kórsetilimderin kútip otyr. Ol 20 jeltoqsan kúni «Qazaqstan» Ulttyq telearnasynyń tikeleı efırinde ótedi. Sóıtip, qalyń kópshilik ózderiniń kókeılerinde kópten beri júrgen úshinshi maýsymnyń jeńimpazy kim bolady degen saýaldaryna jaýap alady jáne 5 mıllıon teńgeni kimniń utyp alatyndyǵyn biledi.