«Qazaqstan daýysy» jobasynyń ekinshi maýsymy kórermenge jol tartady

Týma talant ıesin anyqtaıtyn jobanyń ekinshi maýsymyndaǵy erekshelikteri týraly «Qazaqstan daýysy» jobasynyń dırektory Kenje Jumanuly aıtty, dep habarlaıdy kaztrk.kz. Onyń aıtýynsha, «Qazaqstan daýysyna» irikteý byltyr elimizdiń Aqtóbe, Semeı, Oral sekildi iri-iri jeti qalasynda ótse, bıyl tek Almaty jáne Astana qalalarymen shektelgen. Munyń bir sebebi - byltyr 9 myńnan astam úmitker irikteýge qatysyp, baǵyn synaǵan edi. Olardyń ishinen 150 ánshi ǵana televızııalyq túsirilimge joldama aldy. Al bıyl televızııalyq túsirilimge tek 130 úmitker qatysady. Sondyqtan talaı jastyń taýyn shaqpas úshin irikteý sharasyna qatysýshylar sanyna shekteý qoıyldy. «Bıyl bir jańalyq engizdik. Ózderińiz bilesizder, jobanyń «Shaıqas» kezeńinde ár tálimger óz tobyndaǵy eki ánshini sahnaǵa qatar shyǵaryp, birge án aıtqyzady. Bir qıyny, úmitkerdiń ekeýi de jaqsy án salǵanymen, tálimger olardyń bireýin ǵana tańdap, ekinshisimen qosh aıtysady. Al bıyl osy «Shaıqas» kezeńinde jobadan shyǵyp qalǵan úmitkerdi basqa bir tálimger óz tobyna qosyp ala alady. Qaı tálimger qaı áriptesiniń shákirtin qamqorlyǵyna alǵanyn aldaǵy habarlardan kóresizder», - deıdi Kenje Jumanuly. Jobanyń taǵy bir ereksheligi, bıyl qazaqsha ánderge basymdyq berilip otyr. ıAǵnı, qatysýshylar teledýmannyń irikteý kezeńderinde negizinen qazaq ánderin oryndaıdy. Sondaı-aq byltyr qatysýshylardyń jasy 45-pen shektelse, bıyl ol 50 jasqa deıin uzartylǵan.