«Qazaqstan daýysy» jobasynyń Astanadaǵy irikteý kezeńine 600-deı adam qatysty
ASTANA. QazAqparat - «Qazaqstan daýysy» atty tanymal mýzykalyq jobasynyń Astanadaǵy irikteý kezeńine 600-deı adam qatysty, dep habarlady «Qazaqstan» RTRK baspasóz qyzmeti.
Atalmysh joba Astana qalasynda 27 shilde kúni ótti. Oǵan Qaraǵandy, Pavlodar, Petropavl, Kókshetaý, Oral, Semeı, Jezqazǵan, Temirtaý, Astana jáne Qazaqstannyń basqa qalalarynan 600-deı adam qatysty. Reseıdiń Omby men Tomsk qalalarynyń turǵyndary da jobaǵa qatysý úshin Astanaǵa kelgen. Ótken jylǵy irikteý kezeńderdiń qorytyndysy boıynsha jobaǵa 10000-daı adam qatysyp, baq synaǵan, onyń ishinde Reseıdiń Novosibir qalasynyń da ókilderi boldy.
Almaty qalasyndaǵy irikteý kezeńi 6 tamyz kúni Tóle bı kóshesi 296 A mekenjaıy boıynsha ótkiziledi. Uıymdastyrýshylardyń aqparatyna sáıkes, oǵan Qytaı men Monǵolııanyń da qazaqtary qatysýǵa aldyn ala nıet bildirgen.
Jobanyń televızııalyq jobasy «Qazaqstan» ulttyq telearnasynda 26 qazannan bastap kórsetiledi. Joba sms daýys berý múmkindigimen 2015 jyldyń 11 qańtarynan bastap, tikeleı efırde ótkiziledi.
Jobaǵa 18 ben 50 jas aralyǵyndaǵy oryndaýshylar qatysa alady. Jobaǵa qatysý - tegin, jeke basty kýálandyratyn qujat qana qajet.
Atalǵan jobanyń ózge baıqaýlardan ereksheligi, bul baıqaý qatysýshylardyń tek daýysqa súıenip, baq synaıtyndyǵy. Elimizdiń Medeý Arynbaev, Nurlan Alban, Mádına Sádýaqasova, Almas Kishkenbaev syndy tanymal juldyzdary alǵashqy tyńdaý synaǵynda júzden astam qatysýshylardyń ishinen úzdikterin tańdap, tórt komanda quraıtyn bolady. Aqtyq márege tórt úmitker qatysady, olardyń ishinen úzdik oryndaýshy SMS-daýys berý arqyly anyqtalady.
Fınalǵa deıingi ár bir kezeńde úmitkerler kásibı komanda tálimgerinen sabaq alady. Talanty men tálimgerden alǵan biliminiń arqasynda alǵa ozǵan úmitker jeńimpaz atanary sózsiz.
Bul joba The Voice of Holland (Nıderlandy) nemese «Golos» túpnusqalyq formatynyń qazaqstandyq nusqasy 2013 jyldyń jazynda bastaldy. «Qazaqstan Daýysy» jobasynyń alǵashqy maýsymynyń jeńimpazy - Qostanaı oblysynyń týmasy 27 jastaǵy Shaharızat Seıdahmet. Oryndaýshynyń tálimgeri - Nurlan Alban. Baıqaý jeńimpazy álemge áıgili «Universal» dybys jazý stýdııasymen bir jylǵa kelisimshartqa otyrý múmkindine qol jetkizip, 5 mıllıon teńge qarjylaı syıaqyǵa ıe boldy.
«Qazaqstan Daýysy» 3 kezeńnen turady. Birinshi kezeń - barlyq qatysýshylardy tyńdaý arqyly ádilqazylardyń árqaısysy tórt top qurady. Ekinshi kezeńde ár túrli toptardyń múshelerinen quralǵan juptyq saıys ótkiziledi. Úshinshi kezeńde jeńimpazdardy halyq SMS-daýys berý arqyly anyqtaıtyn bolady.
