«Qazaqstan daýysy» tuńǵysh beınebaıanyn túsirdi - VIDEO
ASTANA. QazAqparat - «Qazaqstan» Ulttyq telearnasynda ótken «Qazaqstan daýysy» jobasynyń jeńimpazy Shaharızat Seıdahmet tuńǵysh beınebaıanyn túsirdi. Bul týraly Ulttyq arnanyń saıtynda habarlandy.
Beınebaıan túsirilgen «Maqpaljan» ániniń sózin jazǵan Erjanat Baıqabaı, áni - Qajymurat Sheshenquldiki. Án buǵan deıin halyqqa Toqtar Serikovtiń oryndaýynda tanylǵan bolatyn. Jańa beınebaıandy «AIMVI» prodıýserlik ortalyǵy Almaty mańynda túsirdi. Ándi oryndaýda elektr-dombyra qoldanylǵan. Aıta keteıik, Shaharızat Seıdahmet - Ulttyq arna kórermenderiniń kózaıymyna aınalǵan «Qazaqstan daýysy» jobasynda Nurlan Albannyń tobynda óner kórsetip, jeńip shyqqan bolatyn. Ol kópshilikke dástúrli ánderdi oryndaýmen tanys.
