QAZAQSTAN DAÝYSY: Ómirimdegi eń qýanyshty sát - mektepti qyzyl attestatqa bitirgen kún - D.Ismaılov
ASTANA. QazAqparat - Nurlan Alban tobyndaǵy úzdiktiń biri "Qazaqstan daýysynan" úmitker Danııar Ismaılov eger ánshilik taǵdyr buıyrmasa, kásipkerlikpen aınalysatynyn aıtty.
Qazaqstan Ulttyq arnasynyń habarlaýynsha, «Qazaqstan daýysyna» laıyqtylardyń biri - Nurlan Albannyń tobyndaǵy Danııar Ismaılov. Danııar Shymkent qalasyndaǵy A.ıAssaýı atyndaǵy halyqaralyq Qazaq-túrik ýnıversıtetiniń túlegi. Qazirgi tańda Almatydaǵy áskerı orkestrdiń vokalısi. Jobaǵa deıin kolledjde stýdentterge dombyradan dáris bergen.
Danııardyń ózi de án jazady, terme oryndaıdy. Armany - tanymal ánshi bolý. Kóbine, qazaqstandyq estrada juldyzdarynyń ánderin tyńdaıdy.
Ómirindegi eń qýanyshty sát - mektepti qyzyl attestatqa bitirgen kún. Danııar: «eger ánshi bolmaǵan jaǵdaıda bızneske keter edim»,-deıdi.
