QAZAQSTAN DAÝYSY: Eger án aıtpasam, qolónershi bolar edim - M. Maqulbekov
ASTANA. QazAqparat - Eger án aıtpasam, qolónershi bolar edim, dedi «Qazaqstan daýysy» jobasynyń fınalyna jetken úzdik tórttiktiń biri Maqsat Maqulbekov.
Maqsat Maqulbekov - «Qazaqstan daýysy» jobasynyń fınalyna jetken úzdik tórteýdiń biri. Onyń tálimgeri - Medeý Arynbaev. Ol sondaı-aq, jobadaǵy otbasyly jalǵyz adam. Ol - eki balanyń ákesi.
Jobaǵa kelmes buryn Abaı atyndaǵy Qazaq memlekettik akademııalyq opera jáne balet teatrynda, «Ańsar» tobynda án aıtqan. Qazanǵap atyndaǵy Qyzylorda mýzykalyq kolledjiniń túlegi. Qazir Qurmanǵazy atyndaǵy Qazaq Ulttyq konservatorııasynyń magıstranty.
Ómirdegi eń baqytty sát - uldary Meıirjan men Mırastyń dúnıege kelgen kúnderi, dep biledi. Bos ýaqytyn otbasymen ótkizgendi unatady.
Maqsat Maqulbekov ıtalııalyq tenor Lýchano Pavarottıdyń týyndylaryn saǵattap tyńdaýǵa bar. «Eger ánshi bolmasam, qolónermen aınalysar edim»,-deıdi ol.
«Qazaqstan daýysynyń» fınalyna jetken tórt úmitkerdiń qaısysy úzdik shyǵatyny aldaǵy aptada belgili bolady. Naqtyraq aıtqanda, kimniń baǵy janatynyn 15 aqpan saǵat 21.00-de «Qazaqstan» Ulttyq telearnasynan «Qazaqstan daýysy» jobasynan kórýge bolady. Jobanyń bas júldesi - 5 mıllıon teńge men dybys jazatyn «Universal» kompanııasymen bir jyldyq kelisimshart qa otyrý.
