«Qazaqstan daýysy» Baýyrjan Retbaev óziniń «toı ánshisi» emes ekenin aıtty
ASTANA. QazAqparat - «Qazaqstan daýysy» jobasynda jeńiske jetip, artynsha prodıýser Ulyqpan Joldasovtyń jobasy «Daýys KZ» tobynda óner kórsetip, keıin az ýaqyt ishinde toptan ketken Baýyrjan Retbaev baistars.kz saıtyna suhbat berdi. Prodıýsi Ulyqpan Joldasovtan túbegeıli ketip, óner jolyn jeke jalǵastyrýdy kózdegenin ánshi óz pikirmen bólisti.
***
- Prodıýserden ketken Baýyrjan qazir qaıda júr? - Prodıýserden ketken Baýyrjan ónerde, ári qaraı jumys jasaý ústindemin,ıaǵnı jeke ánshi retinde jańa ánder jazylýda. - Shyǵarmashylyńda jańa ánderden bólek qandaı jańalyq bar? - Kóptegen aqyn, sazgerlermen birge jumys jasap jatyrmyn, 10-ǵa jýyq án jazyldy, eki ánge beınebaıan túsiremiz degen oıdamyz, odan keıin kúzge deıin albom shyǵarý oıda bar.
- Basqa prodıýserlerden usynys túsken joq pa? - Túse qoıǵan joq. - Retbaev endi toı ánshisi bolyp ketpeı me? - Joq, Retbaev estrada ánshisi, ánderimniń barlyǵy estrada janryndaǵy ánder, toıǵa shyqpaıtyn ánshi joq desek te bolatyn shyǵar, anda-sanda shaqyrǵannan keıin toıǵa baryp turamyz. - «Qazaqstan daýysynan» alǵan 5 mıllıondy qaıda jumsadyń? - Jeńip alǵan 5 mıllıonǵa úı satyp aldym. Al, óner jolyndaǵy qarjymdy kóteretin demeýshilerim bar. - Eks prodıýsermen, topta birge bolǵan Berdibekpen ara qatynasyń qalaı? - Ulyqpan aǵamen de Berdibekpen de óte jaqsy qarym-qatynastamyz,áli kúnge deıin ákeli baladaı, aǵaly-inideı jaqsy qarym qatynastamyz, bir-birin qazirgi tańda jek kóredi eken degen sııaqty áńgimeler estip jatyrmyn,onyń barlyǵy bos áńgime,halyqqa senbeýlerińizdi ótinemin degim keledi.
