Qazaqstan daýlardy dıplomatııalyq jolmen sheshý isine belsene at salysýǵa daıyn – Toqaev

ASTANA. QazAqparat - Qazaqstan daýlardy dıplomatııalyq jolmen sheshý isine belsene at salysýǵa daıyn. Bul týraly Aqordada Germanııa Prezıdenti Frank-Valter Shtaınmaıermen kelissózderden keıingi BAQ ókilderine birlesken málimdeme jasaý barysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Kelesi másele - halyqaralyq kúntártibi. Álemdegi túrli saıası, ekonomıkalyq shıelenister elimizdi alańdatyp otyr. Árıne, barlyq túıtkil halyqtardyń, bolashaq urpaqtyń ıgiligi úshin beıbit jolmen sheshilýge tıis. Ózderińizge málim, buǵan deıin Qazaqstan daýlasqan taraptardy bitimge shaqyrdy. Olarǵa kelissóz júrgizý úshin beıtarap alań usyndy. Elimiz daýlardy dıplomatııalyq jolmen sheshý isine belsene at salysýǵa daıyn», - dedi Qasym-Jomart Toqaev.

Sonymen qatar Memleket basshysy Frank-Valter Shtaınmaıer myrzamen kelissózder nátıjeli bolǵanyn basa aıtty.

«Yntymaqtastyǵymyz jańa deńgeıge kóteriledi dep senemin», - dedi Prezıdent.