Qazaqstan dári-dármek baǵasyn retteýde brıtandyq tájirıbege júginetin bolady
ASTANA. 16 qańtar. QazAqparat - Búgin QR Densaýlyq saqtaý mınıstri Salıdat Qaıyrbekova Brıtanııa ulttyq formýlıar jetekshisi Dankan Enraıtpen kezdesti.
Áńgime barysynda Qazaqstandaǵy ulttyq formýlıar júıesin jetildirge baǵyttalǵan yntymaqtastyq jónindegi usynystar talqylandy. Bul týraly vedomstvonyń baspasóz qyzmetinen habarlandy.
Toqtala ketetin jaıt, Elbasy N. Nazarbaevtyń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 adam» atty baǵdarlamalyq qujatynda júktelgen tapsyrmaǵa oraı, Densaýlyq saqtaý mınıstrliginiń birqatar mamandary Ulybrıtanııada dári-dármekpen qamtamasyz etý, formýlıar júıesin damytý tájirıbelerin zerdelep qaıtqan bolatyn. Júzdesý barysynda osy máselege nazar aýdaryldy.
Al mamandardyń tájirıbe almasý nátıjelerine oraı, elimizdiń densaýlyq saqtaý salasyna Ulybrıtanııanyń ońtaıly júıesin engizý jóninde usynystar jasalyp, is-sharalar jospary berilgen edi. Atap aıtqanda, aldaǵy ýaqytta densaýlyq saqtaý salasynyń formýlıarlyq júıesin jetildirý, ambýlatorııalyq dári-dármekpen qamtamasyz etý jáne dárilik zattarǵa baǵany retteý júıelerine brıtanııa tájirıbesin engizý qarastyrylady.
