Qazaqstan dárigerleri Aýǵanstandaǵy gýmanıtarlyq mıssııaǵa qatysady
ASTANA. KAZINFORM – Qazaqstan 3 qarashaǵa qaraǵan túni magnıtýdasy 6,3 bolǵan qatty jer silkinisinen keıin Aýǵanstanǵa medıtsınalyq kómek kórsetýdi jalǵastyryp jatyr. Bul týraly Densaýlyq saqtaý mınıstrligi habarlady.
Prezıdenttiń tapsyrmasy boıynsha ótken aptadan beri jumys istep kele jatqan gýmanıtarlyq júk jáne medıtsınalyq brıgada jiberildi. Memlekettik rezervten dári-dármekter, hırýrgııalyq quraldar, tańǵyshtar, shatyrlar, tósek-oryn jabdyqtary jáne basqa da qajetti resýrstar jetkizildi.
Mıssııanyń quramyna kóptegen jaraqattarmen, polıjaraqattarmen jáne shuǵyl jaǵdaılarmen jumys tájirıbesi bar mamandar kirdi. Qazaqstandyq brıgadanyń quramynda akademık Batpenov atyndaǵy UǴTOO dárigerleri medıtsınalyq kómek kórsetedi: O.Bekarysov, D.Ǵalym, A.Dolgov, R.Ábilov, B.Turlybekov. Ulttyq neırohırýrgııa ortalyǵy: S.Karibaı, N.Áshirov, A.Qadyrov Ulttyq shuǵyl medıtsınany úılestirý ortalyǵy: A.Satybaldın, S.Nurtazın, R. Sálimov, A.Qydyrbaev, G. Túsipbekov.
Osy ýaqyttyń ishinde qazaqstandyq dárigerler ondaǵan konsýltatsııa, zerttep-qaraý men operatsııalar ótkizdi. Mamandar jergilikti dárigerlerge patsıentterdi taratýǵa, hırýrgııalyq emsharalardyń kezektiligin josparlaýǵa, birlesken taldaýlar júrgizýge jáne eń qıyn jaǵdaılarǵa qosylýǵa kómektesedi.
Aıta keteıik, Qazaqstan Prezıdenti Qasym-Jomart Toqaevtyń tapsyrmasyna jáne Úkimet qaýlysyna sáıkes Aýǵanstan halqyna joıqyn jer silkinisinen zardap shekken turǵyndardy qoldaý maqsatynda gýmanıtarlyq kómek jóneltildi.
Joıqyn jer silkinisinen keıin Qazaqstan Aýǵan halqyna gýmanıtarlyq mıssııa jiberdi.