Qazaqstan dárigerleri alǵash ret halyqaralyq robottyq operatsııaǵa qatysty

ASTANA. KAZINFORM — Qazaqstan alǵash ret Qytaı jáne Frantsııa elderimen birge halyqaralyq robot-assısttelgen operatsııaǵa qatysyp, bir naýqasqa úsh eldiń dárigerleri birlesip operatsııa jasady.

Qazaq onkologııa ınstıtýty hırýrgııalyq otanyń Almaty qalasyndaǵy klınıkada júrgizilgenin málimdedi.

Operatsııa Frantsııada ótip jatqan SRS2025 halyqaralyq hırýrgııalyq kongresi aıasynda telekópir formatynda ótti.

- Operatsııa barysynda eki kúrdeli joǵary tehnologııaly medıtsınalyq aralasý jasaldy. Alǵashqysy - radıkaldy prostatektomııa; ekinshisi - búırek isigin organdy saqtaı otyryp alyp tastaý, - dep túsindirdi densaýlyq saqtaý uıymynan.

Qazaqstan atynan operatsııaǵa Qazaq onkologııa jáne radıologııa ǵylymı-zertteý ınstıtýtynyń (QazOjRǴZI) mamandary qatysqan.

- Bul – otandyq mamandardyń kásibı deńgeıiniń joǵary ekenin jáne elimizdiń halyqaralyq medıtsınalyq qaýymdastyqqa sátti ıntegratsııalanǵanyn kórsetedi, - delingen aqparatta.

Aıta keteıik, Qazaqstanda dáriger tapshylyǵy azaıyp keledi.