Qazaqstan-Danııa matchynda Býblık oılamaǵan jerden jeńilip qaldy
ASTANA. KAZINFORM — Astanada Qazaqstan men Danııa quramalary arasynda Devıs kýbogynyń birinshi álemdik tobynyń matchtary bastaldy, dep habarlaıdy Sports.kz.
Jekeleı synda kortqa birinshi bolyp Qazaqstannyń birinshi, álemniń 27-shi raketkasy Aleksandr Býblık pen ATP reıtınginde 247-shi orynda turǵan Elmer Mıller shyqty.
Birinshi sette 6:1 esebimen Býblık qara úzip ketkenimen ekinshi partııada dat sportshysy 6:2 nátıjesimen oq boıy ozyp shyqty.
Úshinshi sette de Mellerdiń baǵy jandy, esep — 6:2.
Osylaısha Danııa Qazaqstanmen teketireste 1:0 bolyp basymdyq tanytty.
Kelesi oıyn kezegi Aleksandr Shevchenko men Avgýst Holmgrende dep josparlanǵan.
Devıs kýbogynyń irikteý matchtary úsh settik formatta tórt jeke jáne bir juptyq kezdesýden turady.
Onyń jeńimpazy 2025 jyldyń aqpanynda ótetin komandalyq álem chempıonatyna joldama alady.
