Qazaqstan damyǵan 30 memlekettiń qataryna merzimnen buryn qosyla alady - Mankeev
ASTANA. QazAqparat - Qazaqstanda eń aldyńǵy qatarly 30 memlekettiń qataryna belgilengen merzimnen buryn qosylýǵa barlyq múmkindikter bar. «QazAqparat» agenttigine bergen suhbatynda «Qazaqstan - 2050» jalpyulttyq qozǵalysy keńesiniń tóraǵasy Muhtar Mankeev osyndaı pikir bildirdi, dep habarlaıdy QazAqparat.
«Prezıdenttiń Joldaýymen tanysyp shyqtyq, osy oraıda ony talqylaý boıynsha arnaıy jıyn ótkizdik. Atap aıtqanda, «Qazaqstan-2050» strategııasynyń ózektiligi aıqyn kórinip tur. Elimiz álemdegi eń aldyńǵy qatarly 30 memlekettiń qataryna qosylýǵa tıis ekendigi qadap aıtylǵan. Joldaýda áleýmettik qamtamasyz etý salasyna qatysty máseleler qamtyldy. Bıylǵy 1 shildeden bastap 2,1 mıllıon zeınetker úshin zeınetaqy 20 paıyzǵa ósetini, sondaı-aq bala týǵanda beriletin bir rettik járdemaqy kólemi de 20 paıyzǵa artatyndyǵy eskerilip otyr. Osynyń barlyǵy qomaqty qarjyny qajet etedi. Bul turǵyda naqty maqsattar júktelip otyrǵandyqtan, olardy Úkimet jospar boıynsha iske asyrady degen oıdamyn»,-dep toqtaldy ol.
M. Mankeevtiń paıymynsha, eldiń jahandyq básekege qabilettiligin qamtamasyz etetin ekonomıkalyq ósimniń jańa modeli arqyly jańa óndiristerdi damytýǵa, áleýmettik saladaǵy tyń mindetterdi oryndaýǵa jol ashylady.
«Bizdińshe, Memleket basshysynyń qoıyp otyrǵan maqsattary qarqyndy túrde júzege asyrýdy qajet etedi. Bul rette 2050 jyly 30 damyǵan eldiń qataryna kirýge barlyq múmkindikterimiz bar. Munymen qosa, bul mindetterdi ýaqytynan buryn oryndaı alamyz degen tujyrym bar jáne biz oǵan qosylamyz. Jalpy, bizdiń aldymyzda turǵan elder únemi damý maqsattaryn oryndaýǵa tyrysatyny anyq, sondyqtan Qazaqstan halqynyń kúsh-jigeri áldeqaıda belsendirek bolýy tıis. Elimizdiń azamattary kúndelikti ómirinde, jumysynda alǵa qoıylǵan mindetterdi júzege asyrýǵa kúsh-jigerin birlese jumsaýy kerek»,-dep túıindedi sózin jalpyulttyq qozǵalysy keńesiniń tóraǵasy.
