Qazaqstan damýyna kúsh-jigerin salǵan Elbasyna myń alǵys - Muhtar Mankeev
«Nursultan Ábishulyna qatysty toqtalsaq, birinshi kezekte oıǵa «myń alǵys» degen pikir keledi. Sebebi elimizdiń damýyna úlesin qosyp, Qazaqstandy osyndaı deńgeıge jetkizip bergen Elbasyǵa myń alǵys dep aıtýymyz kerek. 1991 jyldan bastap óziniń kúsh-jigerin halyq úshin, memlekettiń múddesine jumsady. Búginde Qazaqstan jetken jetistikter, ıaǵnı halyqaralyq arenada múmkindikterimiz de osynyń dáleli. Álem elderi Qazaqstannyń bedeli men áleýetin tanydy», - dedi M. Mankeev.
Sonymen qatar sarapshy Táýelsizdik jyldarynda elimiz Ortalyq Azııada ekonomıkanyń lokomotıvine aınalǵanyn atap ótti.
«Atap aıtqanda, Qazaqstannyń Ortalyq Azııada ashyq memleket retinde qalyptasqany Elbasynyń búkil jumysyn kórsetip tur. Jalpy, qazirgi kezde álemdegi ózgeristerdi baıqap jatyrmyz, degenmen de Qazaqstannyń ózindik damý joly bar. Prezıdent óziniń úndeýinde jastarǵa erekshe ekpin qoıdy. ıAǵnı elimizdiń damý jolyn, ulttyń tutastyǵyn saqtap qalý - jastar úshin úlken syn ári maqsat bolyp tur. Sondyqtan Jastar jylynda osy úndeýde atalǵan máseleler mańyzdy dep bilemin», - dedi ol.
Sarapshy eldiń aldynda turǵan maqsattar men mindetterdiń oryndalýy jolynda jastar óz úlesin qosýǵa qaýqarly ekenin atap ótti.
«2019 jyldyń 19 naýryzy biz úshin tarıhı kún retinde este qalady. Jalpy, qoǵamnyń damýyna qaraıtyn bolsaq, 10 jyl burynǵy jáne qazirgi qoǵamdy salystarsaq, olar múldem bólek. Búginde elimizdiń aldynda tıisti maqsattar men mindetter turǵany belgili. Sondyqtan barsha halqymyz jumyla Qazaq Eliniń bolashaǵyna negizdelgen jumystardy jalǵastyrýymyz kerek. Úndeýde atap ótilgendeı, Otanymyzdy órkendetý jolynda kelesi qadamdarymyzǵa mán berýimiz qajet. Atap aıtqanda, Prezıdentke myń alǵys!», - dedi Muhtar Mankeev.
Eske sala ketsek, búgin Memleket basshysy Nursultan Nazarbaev respýblıkalyq telearnalar arqyly Qazaqstan halqyna arnalǵan málimdemesinde Prezıdenttik ókilettigin toqtatatynyn jarııa etken bolatyn.
