Qazaqstan damýshy elderge kómek kórsetý boıynsha Azııa damý bankiniń áriptesi bolýǵa nıetti
ASTANA. 24 qazan. QazAqparat - Qazaqstan qaıtarymsyz kómek alýshylar mártebesinen shyǵyp, damýshy elderge kómek kórsetý boıynsha Azııa damý bankiniń áriptesi bolýǵa nıetti. Bul týraly búgin Astanadaǵy Ortalyq Azııa aımaqtyq ekonomıkalyq yntymaqtastyq baǵdarlamasynyń 12-shi mınıstrler konferentsııasynda Úkimet basshysy Serik Ahmetov málim etti.
Úkimet basshysynyń aıtýynsha, 2013 jyly Azııa damý bankimen yntamaqtastyq aıasynda Qazaqstan Azııa damý qoryna 5 mln. AQSh dollarynan astam donorlyq jarna tóledi.
«Qordaǵy donorlyq Qazaqstanǵa azııalyq, ortalyqazııalyq elderdiń damýyna kómek kórsetýge, sondaı-aq ADB donorlyǵy máselesi boıynsha sheshimdi qabyldaý úderisine qatysýǵa múmkindik beredi. Osy arqyly qazirgi kezde Azııa damý bankiniń bizdiń memleketpen yntymaqtastyǵy birte-birte sapaly jańa deńgeıge shyǵyp otyr», - dedi Premer-Mınıstr.
