Qazaqstan damýdyń jańa kezeńine qadam basýda - ázerbaıjandyq saıasattanýshy

BAKÝ. KAZINFORM - Qazaqstandaǵy Prezıdenttik saılaý elde ǵana emes, sonymen birge búkil Ortalyq Azııadaǵy mańyzdy saıası oqıǵa boldy. Bul pikirimen belgili ázerbaıjandyq saıasattanýshy Ilgar Velızade bildirdi.

«Saılaýshylardyń belsendiligi, saılaý naýqanynyń ereksheligi, ulyqtaý rásimindegi Nursultan Nazarbaevtyń sózi baıqaýshylar, sarapshylar, saıasatkerler arasynda el óz damýynyń jańa kezeńine qadam basqaly jatyr degen boljamynyń týýyna negiz bola alady», - dedi I.Velızade.

Onyń pikirinshe, álemdegi kúrdeli ekonomıkalyq jaǵdaı, geosaıası úrdisterdiń týrbýlenttiligi Memleket basshysynyń basym baǵyttaǵy tapsyrmalardyń júzege asyrýyn talap etedi.

«Meniń oıymsha, bul tapsyrmalardy QR Prezıdenti ulyqtaý rásiminde atap ótti. Ortalyq Azııa aımaǵynda beıbitshilik pen turaqtylyqty qamtý boıynsha strategııany júzege asyrý men postkeńestik keńistikte daýly jaǵdaılardy tarqatýǵa degen Qazaqstannyń nıeti ózine nazar aýdartpaı qoımaıdy», - dep atap ótti sarapshy.