Qazaqstan damýdyń 4-kezeńin basynan ótkizip jatyr - Rozanı Ismaılova
ALMATY. Qazannyń 29-y. QazAqparat /Erlik Erjanuly/ - "Qazaqstan táýelsizdiktiń alǵashqy kúnderinen-aq damýdyń naqty ustanymyn qabyldady.
Osy baǵytta memleket pen qoǵam maqsatqa qol jetkizý úshin birikti". Búgin Almatyda ótip jatqan "Elbasynyń Qazaqstan halqyna Joldaýy jańa kezeńdegi respýblıkany jańǵyrtýdyń yntalandyrýshysy" dep atalatyn ǵylymı-tájirıbelik konferentsııada Soǵys jáne beıbitshilikti jarııalaý jónindegi ınstıtýt (IWPR) dırektory Rozanı Ismaılova.
Onyń sózine qaraǵanda, Qazaqstan qazir damýdyń 4-inshi kezeńinen basynan ótkerýde. Birinshisi, 1991-1995 jyldardyń aralyǵynda boldy. Onda keńestik júıeni qaıta qurý men memlekettiliktiń negizin qalaýmen aınalystyq. Ekinshi kezeń - (1996-2000 jyldary) ekonomıkalyq jáne saıası júıeni tereń qurylymdyq qaıta qurýdy júzege asyrýmen baılanysty. Úshinshi kezeń - (2001-2006 jyldary) - ekonomıkalyq ósý ýaqyty. Tórtinshi kezeń - (2006-2011 jyldary) azamattyq qoǵam men memleketti saıası, áleýmettik jáne ekonomıkalyq jańartý.
Onyń aıtýynsha, sońǵy 5 jyldyqta Qazaqstanda qoǵamdy qaıta qurýdyń asa aýqymdy sharalary júrip jatyr. Shaǵyn jáne orta bıznestiń belsendi damýynsyz qarqyndy ekonomıkalyq ósim bolmas edi. Búgingi tańda kásipkerliktiń ósýi jańa jumys oryndaryn ashyp, jumyssyzdyqty azaıtýǵa múmkindik berýde. Jan basyna shaqqandaǵy tikeleı sheteldik ınvestıtsııanyń kólemi jaǵynan Qazaqstan TMD elderinde jetekshi orynda jáne birqatar Shyǵys Eýropa elderin basyp ozdy. Búkilálemdik banktiń baǵalaýy boıynsha álemdegi ınvestıtsııa úshin barynsha tartymdy 20 eldiń qataryna endi.
