Qazaqstan Damý Bankinde basqarma tóraǵasynyń jańa orynbasary saılandy

ASTANA. QazAqparat - «Qazaqstan Damý Banki» AQ («Báıterek» Ulttyq basqarýshy holdıngi) dırektorlar keńesiniń 2015 jylǵy 23 qazandaǵy sheshimimen Qudyshev Murat Tyshbekuly QDB basqarmasy tóraǵasynyń orynbasary bolyp saılandy. Seısenbi, 3 qarashada, bank basqarmasynyń otyrysynda QDB negizgi menedjeri M. Qudyshevti usyndy.

QDB baspasóz qyzmetinde habarlaǵandaı, M. Qudyshev qarjy jáne operatsııalyq qyzmet, ekonomıkalyq josparlaý jáne bıýdjetteý máseleleri, qazynashylyq, halyqaralyq jáne ishki alys-beris máselelerin qadaǵalaıtyn bolady.

M. Qudyshev Almaty pedagogıkalyq shet tilderi ınstıtýtyn (1985), Almaty Halyq sharýashylyǵy ınstıtýtyn (1989) bitirgen.

Ár jyldary sheteldik operatsııalar departamentiniń bas ekonomısi, dırektory, QR Ulttyq Bank tóraǵasynyń orynbasary, QDB vıtse-prezıdenti, «Qazaqstan kelisimsharttyq agenttik» AQ prezıdenti, «Samuryq Qazyna» AQ basqarýshy dırektory, «GNPF» AQ táýelsiz dırektory, «Turǵyn úı jınaq banki» AQ dırektory qyzmetterin atqardy. 2008 jylǵy tamyzdan 2015 jylǵy qazan aralyǵynda Almaty qalasy ákiminiń orynbasary laýazymyn atqarǵan.

Qazaq, orys, aǵylshyn, nemis tilderin meńgergen.