Qazaqstan Damý banki jeke bızneske 27 mlrd. teńge bóldi

ASTANA. QazAqparat - QR ındýstrıaldy-ınnovatsııalyq damý baǵdarlamasyn qoldaý aıasynda Qazaqstan Damý bankiniń kommertsııalyq bankterdi qarjylandyrý kólemi 27 mlrd. teńgeni qurady, dep habarlady QDB baspasóz qyzmetinen.

Baǵdarlamaǵa 3 kommertsııalyq bank kirdi. Olar: «Bank Tsentr Kredıt» AQ, «Alfa bank» AQ jáne «Tsesnabank» AQ. Oǵan taǵy «Kazkommertsbank» AQ qosyldy. Búginde basqa bankterdiń de qatysý múmkindigi qarastyrylýda. Investıtsııalyq jobalardy júzege asyryp, eksport operatsııalary men aqsha aınalymyn tolyqtyratyn kásiporyndar bul qarjylandyrýǵa qol jetkize alady. Ekinshi deńgeıli bankterdiń damyǵan fılıal júıesin eskersek, baǵdarlamaǵa qatysatyndardyń sany kóp bolýy múmkin. Kommertsııalyq bankter QDB alǵan qarajatty áleýmettik-ekonomıkalyq mańyzy bar jobalardy, sonymen birge ÚIID memlekettik baǵdarlamasy sheńberindegi jobalardy qarjylandyrýǵa baǵyttalady. Osylaısha, bul jańa jumys oryndarynyń ashylýyna, shıkizat emes ónimniń óndirisin jáne otandyq kásiporyndardyń eksporttyq úlesin ulǵaıtýǵa septespek, delingen habarlamada.