Qazaqstan damý banki Astanany gazdandyrýǵa qarajat bólýge daıyn

ASTANA. QazAqparat - Qazaqstan damý banki Astanaǵa gaz qubyryn tartý jobasyn qarjylandyrýǵa nıet tanytyp otyr. Bul týraly búgin Ortalyq kommýnıkatsııalar qyzmetindegi baspasóz máslıhatynda atalǵan qarjy uıymynyń basshysy Bolat Jámishev aıtty, dep habarlaıdy QazAqparat.

«Barlyqtaryńyz da Memleket basshysynyń Úkimetke bergen tapsyrmalaryn bilesizder. Qazirgi ýaqytta úkimet elimizdiń soltústik óńirlerin gazdandyrý máselesimen aınalysyp jatyr. Munyń zııandy qaldyqtaryn tómendetýge úlken úles qosarlyǵy sózsiz. Biz atalǵan jobanyń barlyq aspektilerin egjeı-tegjeıli bilmeımiz. Sebebi ony qurylymdaýmen aınalysyp jatqanymyz joq», - dedi bank basshysy.

Onyń aıtýynsha, Qazaqstan damý banki is júzinde daıyn jobalarmen jumys isteıdi jáne olarǵa kredıtor retinde qaraıdy.

«Sondyqtan ba bank retinde bizge elimizdiń soltústik óńirlerin gazdandyrýmen baılanysty jobalarǵa qatysý qyzyqty. Degemen, barlyǵy da joba ekonomıkasynyń qandaı bolatyndyǵyna, naryqtyq jaǵdaıda qarjylandyrýǵa qandaı suranysynyń bolatyndyǵyna baılanysty», - dedi Bolat Jámishev.

Aıta keteıik, búgin QR Parlamenti palatalarynyń birlesken otyrysynda Elbasy Nursultan Nazarbaev Astanany gazdandyrý máselesin 1-1,5 jylda sheshýdi tapsyrǵan bolatyn.