Qazaqstan Damaskidegi ál-Farabı mádenı ortalyǵyn qalpyna keltiredi
Eýropa odaǵy BUU-men birlesip uıymdastyrǵan úsh kúndik forýmǵa 57 memleket qatysty. Konferentsııa - qarjy resýrstaryn jumyldyrý quraly ǵana emes, Sırııa daǵdarysyn sheshý úshin ıdeıalardy biriktirýge arnalǵan alań.
QR Syrtqy ister mınıstriniń birinshi orynbasary Muhtar Tileýberdiniń aıtýynsha, qatysýshylar saıası tatýlasýǵa, ekonomıkany qalpyna keltirýge jáne bosqyndardy qaıtarýǵa kóńil aýdarǵan.
Qorytyndy sessııada gýmanıtarlyq máseleler jónindegi eýrokomıssar Hrıstos Stılıanıdıs halyqaralyq konferentsııa qatysýshylary Sırııa men óńirlerge 7 mlrd dollardan bólýge mindetteldi.
«Qazir Sırııamen kórshiles jatqan jáne eýropalyq memleketterdegi bosqyndardy eline qaıtarý máselesi tur. Olardy baspanamen, jumyspen jáne bilimmen qamtamasyz etý úshin iiri kólemde qarjylyq jáne gýmanıtarlyq shyǵyndar qajet», - dedi Muhtar Tileýberdi.
BUU baǵalaýy boıynsha, tek qana Sırııada 11,7 mıllıon adam túrli gýmanıtarlyq kómekke zárý.
«Qazaqstan óz tarapynan barynsha kómek kórsetip jatyr», - dep atap ótti M.Tileýberdi.
Elimiz azyq-túlik jetkizý arqyly kómek kórsetken. Bıyl Shamda 2012 jyly QR Úkimeti salǵan ál-Farabı mádenı ortalyǵyn qalpyna keltirý múmkindigi qarastyrylyp jatyr.
«Damaskide bizge tikeleı qatysy bar úlken eki mavzoleı bar. Bul - ál-Farabı jáne sultan Beıbarys keseneleri. Onda úlken kitaphana ashylǵan», - dep atap ótti qazaqstandyq dıplomat.
M.Tileýberdiniń sózinshe, konferentsııa qatysýshylary Sırııadan 47 Qazaqstan azamatyn evakýatsııalaý týraly «Jýsan» gýmanıtarlyq operatsııasyn joǵary baǵalaǵan.
Avtor: Tımýr Dúısekeev
