Qazaqstan daǵdarystan baıaý shyǵyp kele jatyr - Ultyq bank tóraǵasy
ALMATY. Mamyrdyń 5-i. QazAqparat /Erlik Erjanuly/ - Inflıatsııanyń jyldyq deńgeıi sáýir aıynda 7,1 paıyzdy qurady.
Bul jaıly Ulttyq bank tóraǵasy búgin Almatyda ótkizgen baspasóz máslıhatynda málimdedi, dep habarlaıdy QazAqparat.
"Daǵdarystyń eń qıyn kezeńi 2008 jyldyń sońǵy toqsany men 2009 jyldyń bas kezinde boldy. Odan keıin baıaý qalpyna kelý bastaldy. 2009 jyldyń 4-shi jáne 2010 jyldyń 1-shi toqsany daǵdarystan shyǵýdyń baıaý júrip jatqanyn kórsetip otyr. 2000 jyldardaǵydaı 10 paıyzdan joǵary jyldyq ósim qarqyny qazir josparlanyp otyrǵan joq. Bizdiń paıymdaýymyzsha, jedel orta merzimdik kezeńde damý qarqyny jylyna 5 paıyzdaı bolýy múmkin", deıdi QR Ulttyq bankiniń tóraǵasy Grıgorıı Marchenko. Bas bankırdiń aıtýynsha, bul Qazaqstan úshin qoljetimdi deńgeı. Jalpy óte jyldam ósimniń de ózindik máseleleri bolady.
