Qazaqstan tsıklonnyń yqpalynda qalady - 11 qańtarǵa arnalǵan aýa raıy boljamy
ASTANA. 10 qańtar. QazAqparat - QR Qorshaǵan ortany qorǵaý mınıstrligi «Qazgıdromet» RMK-niń boljamynsha, erteń Qazaqstanyń basym aýmaǵy tsıklonnyń yqpalynda qalady, soǵan baılanysty keı jerlerde jaýyn-shashyn jaýyp (soltústik óńirlerde qar), tuman túsip, kóktaıǵaq ornaıdy, ekpindi jel soǵady.
Tek respýblıkanyń ońtústik-shyǵys bóliginde aýa raıy jaýyn-shashynsyz bolady.
Almaty oblysynda Jalańashkól aýmaǵynda 17-22 m/s jyldamdyqpen jel soǵady, ekpini 25 m/s-qa deıin jetedi.
Shyǵys Qazaqstan oblysynda jekelegen jerlerde qarly burqasyn bolyp, 15-20 m/s jyldamdyqpen jel soǵady, Jarma aýdanynda túnde jeldiń ekpini 23-28 m/s-qa deıin jetedi.
Jambyl, Ońtústik Qazaqstan, Qyzylorda, Mańǵystaý oblystarynda keı jerlerde tuman túsedi, kóktaıǵaq ornaıdy, 15-20 m/s jyldamdyqpen jel soǵady.
Atyraý oblysynda qarly burqasyn bolady, tuman túsedi, kóktaıǵaq ornap, 17-22 m/s jyldamdyqpen jel soǵady.
Aqmola, Aqtóbe, Pavlodar, kúndiz Qaraǵandy oblystarynda keı jerlerde qarly burqasyn bolady, jeldiń ekpini 15-20 m/s-ty quraıdy.
Soltústik Qazaqstan, Qostanaı oblystarynda keı jerlerde qarly burqasyn bolyp, kúndiz jeldiń ekpini 15-20 m/s-qa jetedi, Qostanaı oblysynda túnde jáne tańerteń tuman túsedi.
