Qazaqstan chempıonyn qaǵyp ketken kólik júrgizýshisi ustaldy
QOSTANAI. QazAqparat - Qostanaıda 15 jasar mektep oqýshysy Vladımır Belenıkındi qaǵyp ketken kólik júrgizýshisi ustaldy, dep habarlaıdy QazAqparat tilshisi.
Jábirlenýshiniń ákesi Aleksandr Belenıkınniń sózinshe, kúdikti keshe saǵat 23:00 shamasynda qolǵa túsken.
«Bizge tártip saqshylary habarlasyp, balamdy soqqan júrgizýshiniń tabylǵanyn aıtty. Kúdikti kóliginiń memlekettik tirkeý nómirin kýágerler baıqap qalǵan. Qazir kúdiktige qarsy tergeý sharalary júrgizilip jatyr. Maǵan keshe jan-jaqtan 600-deı adam habarlasyp, kómekterin usyndy. Olardyń kóbin tanymaımyn. Barlyqtaryńyzǵa alǵys!» - dedi Aleksandr Belenkın agenttik tilshisine.
Eske salsaq, 24 sáýir kúni saǵat 08:30 shamasynda 15 jasar mektep oqýshysy Vladımır Belenıkındi kólik qaǵyp ketip, oqıǵa ornynan izin sýytqan.
Aıta keteıik, jábirlenýshi V.Belenıkın pankratıonmen kásibı túrde shuǵyldanady. Erejesiz jekpe-jekten Qazaqstan chempıony degen ataǵy bar.
