Qazaqstan chempıony «Oman týrynyń» eki dúrkin jeńimpazy atandy
ASTANA. QazAqparat - Qazaqstan chempıony byltyrǵy «Oman týry» tanymal jarysyndaǵy debıýttik jeńisinen keıin Oman kópkúndiginde eń úzdik dep tanyldy. Búgin «Astana» veloshabandozy «Oman týry» jeńimpazynyń ekinshi tıtýlyn ıelendi, dep habarlaıdy sports.kz.
6-kezeń Maskata kóshelerinde sprıntpen aıaqtalyp, eshqandaı ózgeris ákelgen joq.
Osylaısha, Alekseı Lýtsenko «Oman týry - 2019» jeńimpazy atanyp, ıtalııalyq Domenıko Potstsovıvony 44 sekýndqa jáne ıspandyq Hesýs Erradýdy 47 sekýndqa artta qaldyrdy. Lýtsenko chempıonnyń qyzyl maıkasynan bólek, upaı jiktemesindegi úzdik jasyl maıkany ıelendi.
Sprıntpen aıaqtalǵan aqtyq kezeńde ıtalııalyq Djakomo jeńiske jetti.
