Qazaqstan chempıony kelisilgen match úshin ómir boıyna sporttan shettetildi
ASTANA. QazAqparat - Belarýs fýtbol federatsııasy kelisilgen matchty uıymdastyrýǵa qatysqan fýtbolshylarǵa, jattyqtyrýshylar men uıymdastyrýshylarǵa qatysty sheshim shyǵardy, dep habarlaıdy Sports.kz uıymǵa silteme jasap.
Sanktsııaǵa ilikken fýtbolshylar qatarynda Qazaqstan Premer-Lıgasynyń burynǵy eki oıynshysy - qaraǵandylyq «Shahterdiń» burynǵy qorǵaýshysy Andreı Poryvaev pen qostanaılyq «Tobyldyń» burynǵy shabýylshysy Aleksandr Alýmona bar. Alýmona eki jylǵa sporttan shettetilse, Poryvaev ómir boıyna «qara tizimge» kirip ketti. Belarýs chempıonatynyń kelisilgen matchyna «Isloch», «Lých», «Oshmıan-BGÝFK» jáne «Granıt» fýtbolshylarynyń da qatysy bolǵan.
Andreı Poryvaev 2011-2015 jyldary «Shahterde» oınap, qaraǵandylyq komandanyń quramynda eki ret Qazaqstan chempıony bolǵan. Aleksandr Alýmona 2013 jyly «Tobylda» oınaǵan.
