Qazaqstan chempıonatynyń eń qymbat fýtbolshylary kimder
NUR-SULTAN.QazAqparat – Fýtboldan Qazaqstan Premer-lıgasynyń eń qymbat fýtbolshylarynyń reıtıngi jańardy, dep habarlaıdy QazAqparat Transfermarkt saıtyna silteme jasap.
Sport portalynyń deregine súıensek, Almatynyń «Qaırat» komandasynda oınaıtyn polshalyq ıAtsek Gýralskı el chempıonatynyń eń qymbat fýtbolshysy atandy. Onyń transferdegi baǵasy – 2,5 mıllıon eýro.
Ekinshi orynda transferlik quny 2,2 mıllıon eýro bolatyn «Qaırattyń» taǵy bir fýtbolshysy Rade Dýgalıch tur. Dýgalıch bıyl chempıonattyń úzdik oıynshylary qataryna engen bolatyn. Qymbat fýtbolshylardyń úshtigin almatylyqtardyń taǵy bir qorǵaýshysy Dıno Mıkanovıch túıindedi. Onyń transferdegi baǵasy – 2 mıllıon eýro.
Qazaqstandyq fýtbolshylardyń arasynda «Qaırat» pen «Tobyl» komandalarynda oınaıtyn qorǵaýshylar Nuraly Álip pen Temirlan Erlanov ta quny qymbat sportshylardyń qatarynda. Sondaı-aq, Qazaqstan quramasynyń shabýylshysy Abat Aıymbetovtiń transferdegi baǵasy 1,5 mln eýroǵa deıin ósti.
