Qazaqstan chempıonatyndaǵy úzdik fýtbolshysy anyqtaldy
NUR-SULTAN. QazAqparat - «Taraz» fýtbol klýbynyń oıynshysy Serj Nıýıadzı Qazaqstan chempıonatynyń sáýir aıyndaǵy úzdik fýtbolshysy atandy, dep habarlaıdy QazAqparat Sports.kz saıtyna silteme jasap.
Segiz jyl buryn «Almaz» jobasy iske qosylǵan bolatyn. Bul joba boıynsha Qazaqstan chempıonatynyń eń úzdik fýtbolshysy anyqtalady. Laýreattardy Qazaqstan Premer-Lıgasy komandalarynyń bas bapkerleri men fýtbolshylary irikteıdi. Buǵan deıin «Almaz» jobasy boıynsha Ulyqbek Baqaev (2011/2012), Andreı Fınonchenko (2013), Baýyrjan Islamhan (2014, 2016), Jerar Goý (2015), Jýnıor Kabananga (2017), Markos Pızzellı (2018) sııaqty oıynshylar jeńis tuǵyryna kóterilgen edi.
Endi 2019 jylǵy sáýir aıynyń jeńimpazy bolyp 27 jastaǵy «Tarazdyń» togolyq fýtbolshysy Serj Nıýıadzı tanyldy.
Al «Astananyń» rýmynııalyq legıoneri Dorın Rotarıý. ekinshi orynǵa ıe boldy. Ol sáýir aıynda «gol+pas» júıesi boıynsha 3 gol soqty. Úshinshi orynda - «Tobyl» kapıtany Azat Nurǵalıev.
Jalpy daýys berý qorytyndysy mynadaı:
1. Serj Nıýıadzı («Taraz») - 14 upaı
2. Dorın Rotarıý («Astana») - 13
3. Azat Nurǵalıev («Tobyl») - 9
4. Abat Aıymbetov («Aqtóbe») - 9
5. Marın Tomasov («Astana») - 8
6-7. Nenad Erıch («Astana») - 7
Dmıtro Nepogodov («Ordabasy») - 7
8. Maksım Fedın («Tobol») - 7
9-10. Ivan Peshıch («Shahter») - 6
Ivan Maevskıı («Astana») - 6
