Qazaqstan chempıonatynda shý shyǵarǵan V. Sedov Rıo Olımpıadasynan shettetiledi
ASTANA. QazAqparat - Aýyr atletıka boıynsha Qazaqstan chempıonatynda Vladımır Sedov shý shyǵardy. 2009 jylǵy álem chempıony jarys alańyna shyǵyp, shtangany kótermegen.
Sondaı-aq ol ústindegi fýtbolkasyn sheship, kórermenderge qaraı: «Mine, olımpıada chempıony!» dep laqtyrǵan. Bapkerler bul onyń kıimine qatysty aıtylǵan synǵa jaýaby ekenin jetkizdi. Fýtbolkada jankúıerler Londondaǵy oıyndarda Ilıa Ilınnen utylǵan reseılik shtangashynyń sýretin baıqady. Alekseı Nı bul qylyqty psıhologııalyq jaǵdaıymen baılanystyrdy. Mundaı áreketinen keıin Sedovtyń Rıoǵa barmaıtyny aıdan anyq, dep jazdy sports.kz.
QR aýyr atletıka boıynsha bas bapkeri Alekseı Nı: «Bundaı psıhıkalyq aýytqýshylyqtar sportshyda jıi bolyp turady. Básekege tóze almaıdy. Aınaladaǵynyń bári kináli. Onyń ashýy kenetten paıda bolady. Ony baqylap, qashan bolatynyn boljaý múmkin emes. Ony daıyndyqtan jáne Rıo-de-Janeıro Olımpıadasyna qatysýdan shettetemiz. Sportshy mundaı psıhıkalyq jaǵdaıymen elimizdiń namysyn qorǵaı almaıdy. Olımpıadada osy qylyǵyn qaıtalasa, Qazaqstandy jerge qaratady».
