Qazaqstan chempıonatynda Qyzyljar Turandy tize búktirdi
NUR-SULTAN. QazAqparat – Fýtboldan Qazaqstan chempıonatynyń 17-týrynda «Qyzyljar» Petropavlda Túrkistannyń «Turan» komandasyn qabyldady, dep habarlaıdy QazAqparat tilshisi.
Bıyl Konferentsııa lıgasyna qatysqan qyzyljarlyqtar el birinshiliginde 15 upaımen 13-orynǵa syrǵyp ketken edi. Al «Turannyń» olardan bir ǵana upaıy artyq-ty. Sondyqtan qos komandaǵa jeńis aýadaı qajet.
Birinshi taımda esep ashylǵan joq.
Ekinshi kezeńde 56-mınýtta «Turannan» Oleg Evdokımov esep ashty. Oıyn túrkistandyqtardyń paıdasyna sheshiletindeı kóringen. Alaıda Darko Zorıch tórt mınýttyń ishinde (83 jáne 87-mınýtta) qos goldyń avtory atandy. Al 93-mınýtta Jıan Martıns alystan qaqpany dál kózdep, matchtyń núktesin qoıdy – 3:1.
Osylaısha, «Qyzyljar» qaýipti aımaqtan sytylyp shyqty da, oǵan «Turan» túsip qaldy.
Búgin 17-týr básekeleri jalǵasyp jatyr.
Eske sala keteıik, budan buryn el chempıonatynda «Atyraýdy» utqan «Aqjaıyqtyń» onynshy orynǵa kóterilgenin jazǵan bolatynbyz.
Sondaı-aq «Aqtóbe» týrnır kestesindegi pozıtsııasyn jaqsartty .
