Qazaqstan chempıonatynda qyzylordalyq eskekshiler júldeli orynnan kórindi
QYZYLORDA. QazAqparat - Almaty qalasynda mektep oqýshylary arasynda baıdarka men kanoe esýden «Jyldam qaıyq» atty Qazaqstan Respýblıkasynyń birinshiligi aıaqtaldy. Elimizdiń on bir oblysynan kelgen 1999, 2000, 2001 jyldary týylǵan jáne odan kishi jastaǵy eskekshiler arasyndaǵy saıysqa 170-ten asa sportshy qatysty. Jarysta Qyzylorda oblysynyń sportshylary jaqsy óner kórsete bildi. Atap aıtsaq, kanoede Qojahmet Altynbek 200 m qashyqtyqta Valıhan Ábditálipovpen juptasyp jeńis tuǵyrynan kórinse, 500 m qashyqtyqta ekinshi bolyp keldi. Al jekeleı syndaǵy 500 metrlik qashyqtyqta jáne estafetada kúmis júldege ıe boldy. Bul týraly oblystyq dene shynyqtyrý jáne sport basqarmasynyń baspasóz qyzmeti habarlady.
500 m qashyqtyqta juptasyp eskek esýde Valıhan Ábditálipov pen Qojahmet Altynbek kúmis júldeger atandy.
Qyzdar arasynda Gúljaına Tynybekova 200 jáne 500 metrlik juptasyp eskek esýde jáne estafetada úzdik shyqsa, jekeleı synda (200 jáne 500 m) eki kúmis júldeni enshiledi.
Qazaqstan birinshiliginen jaqsy nátıje kórsetip kelgen jerlesterimiz sport sheberligine úmitker normatıvin oryndady. Aıta keteıik, oblysymyzda atalmysh sport túriniń ashylǵanyna nebári 1,5 jyl bolsa da tynymsyz eńbek pen turaqty daıyndyqtyń arqasynda sportshylar osyndaı jetistikke qol jetkizip otyr.
