Qazaqstan chempıonatynda fýtbolshylardyń jalaqysy tómendedi
ASTANA. QazAqparat - Qazaqstan chempıonatynda fýtbolshylardyń jalaqysy tómendeýde. Bul jaıly Eýropa fýtbol qaýymdastyqtary odaǵynyń (ÝEFA) esebinde aıtylady, dep jazady sports.kz.
ÝEFA-ǵa múshe elderdiń arasynda fýtbolshylarǵa eń kóp jalaqy Anglııa chempıonatynda tólenedi. Premer-Lıga klýbynyń ortasha jalaqy tizimdemesi 153,9 mln eýrony quraıdy. Bul ekinshi oryndaǵy Germanııa chempıonatynan eki esege (75,3 mln eýro) kóp. Úshinshi orynda 73,5 mln eýromen Ispanııa lıgasy tur. Úzdik bestikte sondaı-aq Italııa (68,2 mln eýro) men Frantsııa (51 mln eýro) chempıonattary bar.
Sonymen qatar ÝEFA esebinde Qazaqstan Premer-Lıgasynda jalpy jalaqy mólsheriniń azaıǵany kórsetiledi. Budan bólek, Reseı, Grýzııa, Makedonııa jáne Ýels chempıonattaryndaǵy teńbil dop sheberleriniń de jalaqysynda tómendeý baıqalady.
