Qazaqstan chempıonatynda eń kóp oıyn ótkizgen fýtbolshy marapattaldy
QOSTANAI. QazAqparat – «Tobyl» kapıtany Azat Nurǵalıev Serik Jeılitbaev atyndaǵy júldemen marapattaldy, dep habarlaıdy QazAqparat.
2013 jyly Qazaqstannyń Kásipqoı fýtbol lıgasy 38 jastaǵy ataqty qazaqstandyq fýtbolshy, úsh márte el chempıony Serik Jeılitbaevty eske alýǵa júlde taǵaıyndaǵan bolatyn. Bul marapat Qazaqstan chempıonatynda eń kóp oıyn oınaǵan sportshyǵa beriledi. Buǵan deıin Nurbol Jumasqalıev, Samat Smaqov, Qaırat Áshirbekov, Igor ıÝrın, Renat Abdýlın jáne Maqsat Baıjanov sııaqty tanymal fýtbolshylar qurmet syılyǵynyń laýreattary atandy.
2019 jylǵy maýsymnyń qorytyndysy boıynsha júldege elimizdiń bas quramasynyń jartylaı qorǵaýshysy,Qazaqstan chempıonattarynda 416 match ótkizgen qostanaılyq «Tobyldyń» kapıtany Azat Nurǵalıev laıyq dep tanyldy.
Azat Nurǵalıevti marapattaý rásimi QR Sperkýbogi fınaly matchynda ótkizildi. Júlde ıegerin Qazaqstan kásibı fýtbol lıgasynyń prezıdenti Oljas Abraev marapattady.
