Qazaqstan chempıonatynda elordalyq asyqshylar úzdik atandy
NUR-SULTAN. QazAqparat – Taraz qalasynda asyq atýdan eresekter arasyndaǵy Qazaqstan chempıonaty máresine jetti, dep habarlaıdy QazAqparat tilshisi.
Asyq federatsııasynyń habarlaýynsha, chempıonatqa 9 komanda, atap aıtqanda, Jambyl, Qostanaı, Qyzylorda, ShQO, Túrkistan, Pavlodar oblystary men Taraz, Shymkent, Nur-Sultan qalalarynyń asyqshylary ózara baq synasty. Saqasyn ıirip, alshysynan túsirgen asyqshylar aıanyp qalǵan joq. Qol mergendigi men kóz mergendigi qatar synǵa túsken tartysty saıysta Nur-Sultan komandasy birinshi oryn alsa, Túrkistan oblysy ekinshi oryn, Shymkent qalasy úshinshi oryndy ıelendi.
Bes asyqtan 6 komanda (Jambyl oblysy, ShQO, Túrkistan oblysy, Qostanaı oblysy, Qyzylorda oblysy, Nur-Sultan qalasy) saıysqa tústi. Tartysty básekede taǵy da Nur-Sultan komandasy qara úzip shyǵyp, júldeli ekinshi jáne úshinshi oryn Qostanaı men Túrkistan oblysynyń asyqshylaryna buıyrdy.
Aıta ketsek, asyq atýdyń jarysy QR Ulttyq sport túrleri qaýymdastyǵymen bekitilgen «Asyq oıynynyń erejesi» boıynsha ótkiziledi.
