Qazaqstan chempıonatynda 2-týrdyń qorytyndysy boıynsha almatylyq voleıbolshylar kósh bastap kele jatyr
ALMATY. 21 qańtar. QazAqparat /Erlik Erjanuly/ - Keshe Qyzyljarda voleıboldan erler komandalary arasynda XIX Qazaqstan chempıonatynyń 2-týr oıyndary ótti. Onda almatylyqtar barlyq qarsylastaryn qapy qaldyryp, týrnır kestesinde dara shyqty.
19-24 jeltoqsanda Hromtaýda ótken alǵashqy týrda komandalar bir-birinen aıtarlyqtaı qara úzip kete almaǵan edi. Bul joly almatylyqtar 20 upaımen Hromtaýdyń "TNK Qazhromynan" - 3, Óskemenniń "Shyǵys-QorǵasynQurylysynan" - 4, Qyzyljardyń "Esili" men Oraldyń "Kondensatynan" - 7, al "Atyraýdan" - 9 upaıǵa uzap ketti. Almatylyqtadyń endi týrnır kestesindegi jaǵdaıyn 11-16 aqpanda óz alańynda ótetin el chempıonatynyń 3-týrynda odan ary jaqsartýǵa múmkindigi óte mol.
