Qazaqstan chempıonaty: 18 jastaǵy boksshy Azııa chempıonyn utyp ketti

NUR-SULTAN. QazAqparat – Shymkent qalasynda bokstan erler arasynda Qazaqstan chempıonatynyń fınaldyq básekesi ótýde, dep habarlaıdy QazAqparat tilshisi.

Asa jeńil, 49 kg salmaqta aqmolalyq Temirtas Júsipov pen batysqazaqstandyq Danııal Sábıt sharshy alańǵa shyqty.

Azııa chempıony, basqa da ataqtary jeterlik T.Júsipov 32-de bolsa, 18 jastaǵy D.Sábıt fınalǵa shyqqan sportshylardyń eń jasy edi.

Bul básekede tóreshilerdiń biraýyzdan sheshimimen jeńiske jetken Danııal Sábıt Qazaqstan chempıony atandy.

Taǵy bir jas boksshy, shymkenttik Mahmud Sabyrhan 52 kg salmaqta olımpıada joldamasynyń ıegeri, túrkistandyq Sáken Bıbosynovty utyp ketti.

Erler arasynda fınaldyq jekpe-jekter odan ári jalǵasýda.

Eske sala keteıik, Valentına Halzova olımpıada júldegerin utqanyn, áıelder arasynda barlyq chempıondar anyqtalǵanyn jazǵan bolatynbyz.