Qazaqstan chempıonatynda bir salmaq dárejesinde jeti rekord jańardy
ASTANA. KAZINFORM – Taldyqorǵan qalasynda aýyr atletıkadan Qazaqstan chempıonatynyń ekinshi jarys kúni bastaldy, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
65 kelide chempıondyqqa talas Jetisý oblysynyń qos ókili Aqmolda Saıramkez ben Anatolıı Savelevtiń arasynda ótip, julqa kóterýde 4, serpe kóterýde 3 Qazaqstan rekordy jańartyldy.
65 keli:
Aqmolda Saıramkez (Jetisý obl) - 311 keli (137+174)
Anatolıı Savelev (Jetisý obl) - 303 keli (143+160)
Mıhaıl Bakadarov (ShQO) - 229 keli (101+128)
– Qarsylasymnyń salmaqty kóterýine baılanysty áreket jasadym. Ózderińiz kórgendeı, serpe kóterýde úshinshi múmkindigimde 182 kelini baǵyndyrýym qajet edi. Biraq merziminen buryn chempıon atanǵandyqtan, qajet emes dep sanadyq. Endi jazǵy Azııa oıyndaryna tyńǵylyqty daıyndalamyz, - dedi Saıramkez Aqmolda.
2025 jylǵy Qazaqstan chempıonatynyń kórsetkishi:
Anatolıı Savelev (Jetisý obl) - 291 keli (134+157)
Vıktor Nadvornyı (Aqmola obl) - 264 keli (119+145)
Ersultan Tursynbekov (ShQO) - 251 keli (115+136)
Aıta keteıik, 12-18 mamyr aralyǵynda jalǵasatyn Qazaqstan chempıonatyna 16 óńirden 164 sportshy synǵa túsip jatyr.
Almatyda grek-rım kúresinen Qazaqstan kýbogynyń alǵashqy jeńimpazdary belgili bolǵanyn jazǵan edik.
