Qazaqstan Chehııaǵa avtokólikpen júk tasymaldaý úshin qosymsha ruqsat blankilerin alady
ASTANA. QazAqparat - Astanada 26-27 sáýir aralyǵynda halyqaralyq avtomobıl tasymaldary máselelerine qatysty Qazaqstan - Chehııa Aralas komıssııasynyń otyrysy ótti, dep habarlaıdy QR IDM baspasóz qyzmeti.
Kezdesý barysynda taraptar ekijaqty yntymaqtastyqty talqylap, eki el arasynda júk tasymaldaý máselesi jóninde aqparat almasty. Sondaı-aq, tasymaldaýǵa qosymsha ruqsat blankileriniń kólemin belgiledi.
2017 jyly Qazaqstan men Chehııa arasynda júk tasymaldaýda oń dınamıka baıqaldy. Jyl qorytyndysy boıynsha avtomobıl kóligimen júk tasymaldaý kólemi bul baǵytta 17% ósip, 17,9 myń tonnany qurady. Negizgi tasymaldanatyn júkter qatarynda jabdyqtar, elektrondyq tehnıkalar jáne halyq tutynatyn taýarlar bar.
Bul baǵytpen júrýshilerdiń kóptigine baılanysty eki tarap 2018 jyly jan-jaqty ruqsat blankileriniń kólemin 600-ge (barlyǵy 1400), úshinshi elderge jáne úshinshi elderden tasymaldaýǵa ruqsat beretin blankiler sanyn 200-ge (barlyǵy 400) deıin ulǵaıtýǵa kelisti.
Bıylǵy jyldyń ruqsat blankileri 2019 jyldyń 1 aqpanyna deıin jaramdy bolady.
