Qazaqstan Chehııadan asyl tuqymdy mal tasymaldamaq

ASTANA. QazAqparat - Qazaqstan Chehııadan etti jáne sútti asyl tuqymdy iri qara tasymaldaýǵa múmkindik beretin birqatar kelisimderge qol qoıdy, dep habarlaıdy «QazAqparat» HAA.

Chehııanyń Astanadaǵy elshiliginiń ókilderi áńgime maldyń Simmental, Angus jáne Holstein sııaqty túrlerin jetkizýge qatysty bolyp otyrǵandyǵyn aıtady.

Qazaqstandyq mal sharýashylyǵy mamandary eki el arasyndaǵy saýda-ekonomıkalyq qatynastardy damytý jobasy aıasynda Chehııa Respýblıkasyna bardy. Delegatsııa ókilderi múıizdi iri qarany eksporttaýmen aınalysatyn 5 kompanııa ókilderimen kezdesip, Chehııanyń aýyl sharýashylyǵy mınıstrligi men osy eldiń eksport bankinde boldy. Sondaı-aq olar malshylar odaǵyna baryp, 6 iri ferma men 2 tuqym stantsııasynyń jumysymen tanysty.

Osy sapar barysynda Qazaqstanǵa etti jáne sútti mal jetkizýdi kózdeıtin birqatar kelisimderge qol qoıyldy.

Chehııa fermalary men ǵylymı-zertteý ınstıtýttary Qazaqstanmen yntymaqtastyqta eńbek etýge múddeli. Bul baǵytta olar tek Qazaqstanǵa múıizdi iri qarany jetkizýge ǵana emes, qazaqstandyq tuqymdarǵa da qyzyǵýshylyq tanytyp otyr.

Maldy asyldandyrý elde múıizdi iri qaranyń sapasy men ekonomıkalyq tıimdiligin damytýdyń mańyzdy quraldarynyń biri sanalady.

Chehııada bul júıe osydan 50 jyl buryn engizilgen jáne osy salada aıtarlyqtaı jetistikterge qol jetkizilgen. Mysaly Chehııadaǵy sıyrdan saýylǵan sút deńgeıi EO kólemindegi úzdik kórsetkishterdiń birine ıe.