Qazaqstan tsementi Ózbekstan bırjasynda satylyp jatyr
ASTANA. QazAqparat - Qazaqstannyń PTs400 D20 jáne PTs TsEM II A-Sh 32.5N markaly tsementteri Ózbekstan bırjasynda satylyp jatyr, dep habarlaıdy daryo.uz Ózbekstannyń respýblıkalyq taýar-shıkizat bırjasyna silteme jasap.
Bırja saıtynda saýdaǵa qatysý úshin talap etiletin kepil aqshasy 2%-dy quraıtyny aıtylady. PTs400 D20 portlandtsementi úshin 10 tonna lot, al PTs TsEM II A-Sh 32.5N tsementi úshin 1 tonna lotpen standarttyq kelisimsharttar ashylǵan.
Aıta keteıik, Ózbekstan Respýblıkasy prezıdentiniń 2018 jylǵy 17 qańtardaǵy tıisti qaýlysymen tsement, qurylys aınasy, qara metall prokaty jáne basqa jeke túrdegi ónimder ımportynan alynatyn kedendik tólemderge jeńildikter engizilgen.
Qazaqstannan Ózbekstanǵa ımporttalǵan tsementti Agro Lina jáne IV Stal Invest kompanııalary satyp jatyr.
