Qazaqstan Caratube kompanııasyna qarsy tórelik is-talqylaýda jeńdi
ASTANA. 11 maýsym. QazAqparat - 2012 jylǵy 5 maýsymda Investıtsııalyq daýlardy retteý jónindegi halyqaralyq ortalyqtyń (IDRHO) tórelik alqasy Qazaqstan Respýblıkasy men Caratube Internatioanl Oil Company LLP (CIOC) kompanııasy arasyndaǵy isti talqylaý boıynsha sheshim shyǵardy.
QR Ádilet mınıstrliginiń baspasóz qyzmetiniń habarlaýynsha, CIOC talaptarynyń jalpy somasy 1, 2 mlrd AQSh dollarynan astam boldy. IDRHO bul talaptardy qabyldamaı, CIOC-qa Qazaqstanǵa sot shyǵyndarynyń ótemi retinde 3, 2 mln AQSh dollaryn óteýdi ókim etti.
Tórelik is talqylaý budan tórt jyl buryn bastalǵan bolatyn. Іs boıynsha negizgi tyńdaýlar Parıj qalasynda oryn aldy.
Іs Qaratóbe munaı ken ornyndaǵy kómirsýtekti barlaý men óndirýge kelisim-shartynyń CIOC-tyń sol shart erejelerin saqtamaýy sebebinen buzylýymen baılanysty. CIOC-tyń paıymdaýynsha, bul is-talqylaýǵa negiz bolǵan jáne kompanııanyń boıama ıesi Devınchı Hýranıdiń AQSh azamattyǵyna baılanysty IDRHO Konventsııasy men Qazaqstan men AQSh arasyndaǵy ekijaqty ınvestıtsııalyq kelisim.
Kompanııanyń formaldy túrde Devınchı Hýranıdiń ıeliginde bolǵanyna qaramastan, tórelik alqa CIOC dálelderin qaıtaryp, istiń óz qaraýyna jatpaıtyndyǵy jóninde sheshim shyǵardy. Tórelik alqanyń qorytyndysy boıynsha, Devınchı Hýranıdiń ınvestıtsııa quıyp CIOC-ty ózi basqarýy jóninde jetkilikti dálelder keltirilmedi.
Bul tórelik is talqylaý barysyndaǵy memleket múddelerin qorǵaýǵa baılanysty jumystardy Qazaqstan Respýblıkasy Ádilet mınıstrligi úılestirdi.
