Qazaqstan bıýdjetinen 2,8 myń shetel azamaty ataýly áleýmettik kómek alyp otyr
ASTANA. KAZINFORM – Eńbek jáne halyqty áleýmettik qorǵaý mınıstrligi Kazinform saýalyna joldaǵan jaýabynda qansha adamnyń, onyń ishinde shetel azamattarynyń ataýly áleýmettik kómek alǵany týraly málim etti.
«2023 jyldyń qorytyndysy boıynsha 114,1 myń otbasy (598,4 myń adam) ataýly áleýmettik kómek alýshy boldy. Onyń ishinde 223 qandas otbasy (725 adam), 1,7 myń sheteldik otbasy (2,8 myń adam) jáne azamattyǵy joq 278 otbasy (406 adam) bar», - dep jazylǵan mınıstrlik jaýabynda.
Redaktsııa saýalynda 2022 jyldyń 24 aqpanynan beri Qazaqstanǵa boı tasalaǵan reseılikterdiń qanshasyna bıýdjetten áleýmettik kómek kórsetiletini suralǵan bolatyn. Mınıstrlik áleýmettik tólem alýshylardyń statıstıkasyn júrgizý tártibin alǵa tartyp, naqty jaýap bermedi.
«Aqparattyq júıe sheteldikterdi ulttar boıynsha kórsetpeıdi. Osyǵan baılanysty, AÁK alǵan reseılikterdiń sanyn, sondaı-aq olardyń tólemderin naqtylaý múmkin emes», - dep jazylǵan jaýapta.